魚子醬X高級日本料理X唎酒師嚴選清酒晚宴 | MyiCellar 雲窖

魚子醬以往一直係西方料理既珍品，配搭上香檳，更被譽為飲食配搭上既”Marriage”。但唔知大家有無發現，而家愈黎愈多高級日本料理，甚至係廚師發辦Omakase店，都會運用魚子醬配日本酒，儼如一種流行配搭。一齊解構點解魚子醬同清酒既特質咁襯！

魚子醬係食材界既勞斯萊斯，固然相當珍貴，珍貴在只有貝魯加鱘(Beluga)、奧西特拉鱘(Oscietra)及閃光鱘(Sevruga)呢3種鱘魚卵先可以醃製成高質魚子醬。頂級魚子醬貿易公司Browne Trading總裁Rod Mitchell話，買魚子醬最穩陣唔係視乎產地，而係選擇信譽良好既養殖場，因為影響魚子醬品質既最重要因素，其實係佢既實際生產方式。

咁點樣判斷魚子醬既味道？好既魚子醬以味道、質感、色調分級，鹽度要低，並帶濃郁奶油或芝士香氣，亦不應有腥味、苦味或過鹹；顏色要澄淨黑亮，透出光澤，彷如黑珍珠；質感堅實，用舌頭分開時唔會即刻裂開。

另一邊廂去到清酒，最合適既必然係純米酒或秋酒。呢兩種清酒帶有米飯同小量麥芽糖既微甜，配襯魚子醬呢類有奶油芝士香氣既食材，相輔相成，完全係1+1>2既組合。酒體大多渾厚圓潤而不辛辣，配襯魚子醬豐腴既口感，簡直係絕配。

如果不喜歡純米或秋酒等風格較傳統既清酒，不妨試下帶氣泡感既新派清酒。呢類清酒帶微碳酸，針對質感厚膩既魚子醬，一口下去，正好洗膩之餘，適量酸度亦能進一步吊出魚子醬既鮮味。

如果你都希望感受魚子醬同日本料理既魅力，記得唔好錯過呢個配搭晚宴喇！當晚亦會有專業唎酒師在場介紹各款清酒與及食物配搭，並分享清酒酒款既介紹及釀造特點，讓大家一邊享受佳餚，一邊享受美酒一邊聽，一齊感受日本酒同魚子醬之間既化學作用！

魚子醬清酒晚宴菜式及酒單：

小物

魚子醬最中餅

清酒：風の森 Type 3 純米大吟釀

前菜三品

真鯛芽蔥卷拌魚子醬

小雲蕃茄配土佐醋

刺身白子配柚子唐辛子醬

清酒：磯自慢 純米大吟釀 雄町 及

上喜元 「優美なりんご」

冷盤

牡丹蝦牛油果他他拌海膽魚子醬

黑松露冷素面拌魚子醬

清酒：南部美人 純米吟釀 冷卸酒

一品料理

黑松露野菌帆立貝

自家製蟹肉薯餅

清酒：農口尚彦研究所 純米酒 無濾過生原酒

食事

碎吞拿魚三文魚子飯伴魚子醬

清酒：七田 七割五分 愛山 純米 冷卸酒

甘味

日本蜜瓜、豆腐雪糕、蕨餅

活動資料：

日期︰12月15日（星期三）

時間︰ 7 P.M. - 10 P.M.

地點：花貝日本料理

地址：銅鑼灣開平道1 號 CUBUS 6樓

價錢：

門票 HKD$1,680 (另需加一)

早鳥門票 HKD$1,480 (即日起至12月11日，另需加一)